ဆေးမင်ရည် စုတ်ထိုးဟာ မြန်မာတို့ရဲ့ ကိုယ်ပိုင်ယဉ်ကျေးမှုပါ

ရေးသားသူ: နတ်ဆိုးလေး

ခန္ဓာကိုယ်ပေါ်မှာ ဆေးမင်ကြောင်တွေ ရေးထိုးကြတယ်ဆိုတာ နှစ်ထောင်နဲ့ချီရှိပြီဖြစ်တဲ့ လူသားတွေရဲ့ ယဉ်ကျေးမှုသမိုင်းမျက်နှာစာတစ်ခုပါ။ ရှေးဟောင်းသုတေသနပညာရှင်တွေရဲ့ တွေ့ရှိချက်တွေမှာ ဆေးမင်ကြောင်တွေ ရေးထိုးမှုဟာ အခိုင်အမာ သက်သေခံနေပါတယ်။ မြန်မာပြည်ဟာလည်း ဆေးမင်ကြောင်နဲ့ တစိမ်းပြင်ပြင် ဖြစ်မနေခဲ့ပါဘူး။

ကိုလိုနီလှိုင်းလုံးတွေ ရိုက်ခတ်ချိန်မှာ ဆေးမင်ကြောင်ထိုးတဲ့ဓလေ့၊ သျှောင်ကြီးပွေနဲ့မောင်တွေ တဖြုတ်ဖြုတ် ပျောက်ကွယ်ခဲ့ပါတယ်။ ယဉ်ကျေးမှုအရထိုးတဲ့ ဆေးမင်ကြောင်အဖြစ်ကနေ အလှအပအတွက်၊ ဒဿနအတွက် ရေးထိုးတဲ့ ဆေးမင်ကြောင်တွေ ဂလိုဘယ်စီးကြောင်းထဲ ခုန်ပေါက်ဝင်ရောက်လို့ လာပါပြီ။

မီဒီယာတွေအားကောင်းမောင်းသန်ဖြစ်လာတဲ့ ဒီကနေ့ခေတ်မှာ တက်တူးလို့ခေါ်တဲ့ ဆေးမင်ကြောင်တွေကို လူငယ်တွေ တကျော့ပြန်စိတ်ဝင်စားလာနေပါတယ်။ နိုင်ငံတကာယဉ်ကျေးမှုတွေ ဒွေးရောယှက်တင်လာချိန်နဲ့ တက်တူးထိုးသူတွေရဲ့ အနုပညာလက်ရာတွေ ဖန်တီးမှုကို အသိအမှတ်ပြုလာချိန် လူငယ်ရော လူကြီးပါ တက်တူးကို စိတ်ဝင်စားကြတယ်လို့ မြန်မာပြည်ရဲ့ ပထမဆုံး အမျိုးသမီး Tattoo Artist မဖြူသဇင်စိုးက ဆိုပါတယ်။

Tattoo Artist တွေဟာ စက္ကူပေါ်မှာတောင် ရေးဆွဲဖို့ခက်တဲ့လက်ရာတွေကို လူရဲ့အရေပြားပေါ် ရသမြောက်အောင် ဖန်တီးနိုင်လာကြပြီမို့ တက်တူးကို အနုပညာတစ်ခုအနေနဲ့ မသတ်မှတ်လို့မရဘူးလို့ တက်တူးထိုးတဲ့စက်တွေ မြန်မာပြည်မရောက်ခင်ကတည်းက တက်တူးအနုပညာရှင်အဖြစ် ရပ်တည်ခဲ့တဲ့ ကိုတွတ်ပီက ဆိုပါတယ်။

ခေတ်သစ်ကမ္ဘာကြီးထဲ တက်တူးယဉ်ကျေးမှုဟာ ဖက်ရှင်အဖြစ် ဝင်ရောက်လာပေမယ့် မြန်မာလူ့အဖွဲ့အစည်းကတော့ ဆေးမင်ကြောင်ကို အနုပညာအဖြစ် မမြင်နိုင်သေးဘဲ လမ်းသရဲဆန်တယ်လို့ ရှုမြင်နေကြဆဲပါ။ တက်တူးထိုးတာဟာ မူးယစ်ဆေးစွဲပြီး စာရိတ္တယိုယွင်းနေတာမဟုတ်လို့ လွတ်လပ်စွာ ဖန်တီးမှုကို မတားပါနဲ့လို့ အန်ဒရီယာက တောင်းဆိုပါတယ်။

အိမ်ထောင်မှု၊ ဘုရားတည်၊ ဆေးမင်ရည် စုတ်ထိုး ဤသုံးမျိုး ချက်မပိုင်လျင် နောင်ပြင်ရန် ခက်သည့်အမျိုးလို့ ဆိုရိုးစကားရှိပေမယ့် ခေတ်မီ နည်းပညာနဲ့ ဆေးမင်ထိုးတာကို ပြင်လို့တော့ ရနေပါပြီ။

ရောဂါပိုးကူးစက်မှုတွေထဲမှာ ဆေးမင်ကြောင်ထိုးတဲ့နည်းက တစ်ခုအပါအဝင်ဖြစ်တာမို့ ကျန်းမာရေးအရ ယုံကြည်စိတ်ချရတဲ့ Tattoo Studio တွေ အပြိုင်အဆိုင်ပေါ်လာနေပါတယ်။ ဒေါက်တာမြင့်ဦးက တက်တူးတွေကို အကြောင်းကြောင်းကြောင့် ပြန်ဖျက်ချင်တယ်ဆိုရင် လေဆာရောင်ခြည်သုံးစက်တွေနဲ့ ဖယ်ရှားလို့ရပေမယ့် တက်တူးထိုးတဲ့ကုန်ကျစားရိတ်ထက် အဆ ၅ဝလောက် ကုန်မှာမို့ သေသေချာချာ ချင့်ချိန်စဉ်းစားစေချင်တယ်လို့ ဆိုပါတယ်။

နောင်ပြင်ရန် ခက်သည့်အမျိုးထဲမှာ တက်တူးထိုးတာ မပါဝင်တော့ဘူးဆိုပေမယ့် တက်တူးတွေ ရှိနေတာကြောင့် အလုပ်အကိုင်အခွင့်အလမ်း အတားအဆီးတွေဖြစ်မယ်ဆိုရင် ဒီစိန်ခေါ်မှုတွေနဲ့ပတ်သက်ပြီး တာဝန်ယူမှုရှိဖို့ လိုတယ်လို့ တက်တူးအနုပညာရှင် ကိုကကြီးက သတိပေးပါတယ်။

ယောက်ျားလေးအများစုရဲ့ ခေတ်ပေါ် တက်တူးတွေကို ခန္ဓာကိုယ်အနှံ့ရေးဆွဲတဲ့အပေါ် မြန်မာလူ့အဖွဲ့အစည်းက အနုတ်လက္ခဏာအဖြစ်ရှုမြင်နေဆဲမှာပဲ မိန်းကလေးတွေကပါ တက်တူးကို ဖက်ရှင်တစ်ခုအဖြစ် ရေးထိုးလာနေပါတယ်။

တက်တူးထိုးတဲ့ မိန်းကလေးဟာ ကိုယ်ကျင့်တရားဖောက်ပြန်တဲ့သူ၊ လျှပ်ပေါ်လော်လည်တဲ့သူလို့ ယောက်ျားလေးအများစုကတောင် သဘောထားနေကြဆဲပါ။ တက်တူးနဲ့ ကိုယ်ကျင့်တရား ဘာမှ မပတ်သတ်ဘူးလို့ Left Bank Media ရဲ့ အယ်ဒီတာချုပ် မမေသော်က ဆိုပါတယ်။

ဆေးမင်ကြောင်တွေ ဘဝတသက်လုံးပါသွားမှာမို့ ဘဝအတွက် အမှတ်တရဖြစ်မယ့်ပုံ၊ အဓိပ္ပာယ်ရှိတဲ့စာသားတွေကိုသာထိုးပြီး အနုပညာတစ်ခုအနေနဲ့ တန်ဖိုးထားသလို ဘဝရဲ့ အစိတ်အပိုင်းတစ်ခုလို့လည်း ခံယူတယ်လို့ ဆူးချိုးက ယူပါတယ်။

တကယ်တော့ တက်တူးနဲ့ပတ်သက်ရင် အတိုက်အခံလုပ်ရတာတွေ၊ နှိမ်ချခွဲခြားဆက်ဆံမှုတွေ၊ ဖယ်ကျဉ်မှုတွေကို အပြင်းအထန်ရင်ဆိုင်ရဆဲမို့ တက်တူးထိုးတဲ့ အနုပညာရှင်အဖြစ် မြန်မာမိန်းကလေးတစ်ယောက်က ရပ်တည်မယ်ဆိုရင် အခက်အခဲတွေက တောင်လိုပုံနေဆဲပါလို့ မဖြူသဇင်စိုးက ဆိုပါတယ်။

ဆေးမင်ကြောင်လို့ ခေါ်တဲ့ တက်တူးဟာ ဘုရားပွဲတွေ၊ ဈေးပွဲတော်တွေမှာ တစ်ခါသုံးအပ်နဲ့မဟုတ်ဘဲ အပ်တစ်ချောင်းတည်းနဲ့ လူပေါင်းများစွာကို စုတ်ထိုးရတာမို့ အန္တရာယ်သိပ်များတယ်လို့ ကိုတွတ်ပီကပြောပါတယ်။ ခေတ်မီ စက်ကိရိယာတွေသုံးတဲ့ Tattoo Studio တွေမှာတော့ ပရော်ဖက်ရှင်နယ် အနုပညာသမားတွေက တစ်ခါသုံးအပ်နဲ့ထိုးတာမို့ အပြည့်အဝ အာမခံချက်ရှိတယ်လို့ ဆိုပါတယ်။

ဘာပဲပြောပြာ နှစ်ပေါင်းထောင်နဲ့ချီ ကြာမြင့်စွာတည်ရှိခဲ့တဲ့ မြန်မာတို့ရဲ့ ဆေးမင်ကြောင်ရေးထိုးမှုဟာ ၂၁ရာစု ဂလိုဘယ်လှိုင်းလုံးနဲ့အတူ တကျော့ပြန် ပွေ့ဖက်ကြတဲ့အခါ ယောက်ျားရယ်၊ မိန်းမရယ် ခွဲခြားမှုဆိုတဲ့ တံတိုင်းကြီးကိုပါ ဖြိုလှဲနေတဲ့ လူသားရဲ့ အမြင့်မြတ်ဆုံးသော အနုပညာခံစားစိတ်ကတော့ ထင်ဟပ်နေပါပြီ။

ဆေးမင်ကြောင်ထိုးတာ သူရဲကောင်းတွေပါဆိုတဲ့ ယဉ်ကျေးမှုကို ဘာလို့များ တစိမ်းပြင်ပြင်ဖြစ်နေကြပါလဲ။ သေချာတာကတော့ သံကွန်ခြာအထပ်ထပ်အောက်မှာ ပိတ်မိနေခဲ့တဲ့ မြန်မာလူ့အဖွဲ့အစည်းအတွက်တော့ ချက်ချင်းကြီး လက်ခံဖို့ အဆင်သင့်ဖြစ်ကြပုံ မပေါ်ပေမယ့်လည်း ဂလိုဘယ်ရေစီးကြောင်းကတော့ အရှိန်အဟုန်ကောင်းကောင်းနဲ့ ဖြတ်သန်းစီးဆင်းနေမှာပဲ ဖြစ်ပါတယ်။

Kamayut Media

မြန်မာပြည်က ပန်းပွင့် ရုပ်ကြွင်းက ရှေးအကျဆုံးလို့ ပညာရှင်တွေဆို

ရေးသားသူ: နတ်ဆိုးလေး

ပန်းပင်တွေမှာ ဝတ်ဆံဖို ဝတ်ဆံမ ပေါင်းယှက်ပြီး မျိုးကူးတဲ့ အထောက်အထား တွေမှာ မြန်မာပြည်မှာ တွေ့ခဲ့ရလိုက်တဲ့ ပန်းပွင့် ရုပ်ကြွင်းက ရှေးအကျဆုံးဆိုတာ ပညာရှင်တွေ က သုတေသန လုပ် ပြီး အစီရင်ခံစာ ရေးထားပါတယ်။

အခုပညာရှင်တွေ တွေ့ခဲ့တဲ့ အထောက်အထား ပန်းပွင့်ရုပ်ကြွင်းက လွန်ခဲ့တဲ့ နှစ် သန်း ၁၀ဝ လောက် သက်တမ်းရင့်နေပြီလို့ မှန်းကြပြီး ပယင်း ကျောက်ထဲမှာ တွေ့လိုက်ရတာ ဖြစ်ပါတယ်။

ဒီပန်းပွင့် ရုပ်ကြွင်းထဲမှာ ပန်းပွင့်ငယ်လေးတွေ ၁၈ ခုလောက်ပါဝင်ပြီး ပန်းပွင့် ထဲကို သေသေချာချာ မိုက်ကရိုစကုတ် နဲ့ကြည့်မယ် ဆိုရင် ဝတ်ဆံဖိုနဲ့ ဝတ်ဆံမ တို့ မျိုးကူးနေတာကို တွေ့ကြရပါတယ် လို့ သုတေသီ တွေ က ပြောပါတယ်။

အဲဒီလို မျိုးကူးတာ ကနေ နောက်ပိုင်း အစေ့အဖြစ် ဖြစ်ထွန်း မျိုးပွား နိုင်တာ ဖြစ်ပါတယ်။

အမေရိကန် နဲ့ ဂျာမဏီ က ပညာရှင်တွေ ပါဝင်တဲ့ ဒီအဖွဲ့ဟာ ဟူးကောင်းချိုင့်ဝှမ်း အတွင်း က တွေ့ခဲ့တာ ဖြစ်ပြီး အဲဒီထဲ က သုတေသီ တယောက်ဖြစ်တဲ့ အိုရီဂွန် စတိတ် ယူနီဗာစီတီ က ပရော်ဖက်ဆာ ဂျော့ချ ပွိုင်နာ က ဒီလို ခရီတေးဆီးယပ် လို့ ခေါ်တဲ့ ပန်းထဲမှာ အဲလို မျိုးကူးနေတာ မျိုး အထောက်အထား တွေ့တာ ကလည်း ပထမဆုံးပဲလို့ ဘီဘီစီ ကို ပြောပါတယ်။

ကမ္ဘာပေါ်မှာ ဒိုင်နိုဆောတွေ လမ်းလျှောက်သွားနေ ချိန်လောက် က ပွင့်ခဲ့တဲ့ ပန်းတွေရဲ့ အခု ကျောက်ဖြစ်ရုပ်ကြွင်းတွေ က ပန်းပွင့် တွေ ဝတ်ဆံဖို ဝတ်ဆံမ မျိုးပွားတဲ့ အထောက်အထား ကို သက်တမ်း အရင့်ဆုံး တွေ့ရှိချက် တခုအဖြစ် ဖော်ပြလိုက်နိုင်ခဲ့ပါတယ်။

ပန်းပွင့်တွေ အဲဒီလို ဝတ်ဆံဖို မ မျိုးကူးကြတာ ဟာ ကမ္ဘာပေါ်က ဇီဝမျိုးကွဲတွေ အပြောင်းအလဲ ဖြစ်ဖို့ အတွက် အများကြီး သက်ရောက်ခဲ့တာ ဖြစ်ပါတယ်။

အခုလို မြန်မာပြည် က ပန်းပွင့်ရုပ်ကြွင်း ကို တွေ့လိုက်ရတဲ့ အဖြစ် ဟာ ရတနာပုံ ကိုဆိုက်ဆိုက်မြိုက်မြိုက် တွေ့ရ သလို ပါပဲ လို့ သုတေသီ တွေ က ပြောပါတယ်။

ဘီဘီစီ (မြန်မာပိုင်း)

ဖတ်စရာ (၁)

ရေးသားသူ: နတ်ဆိုးလေး

၅မိနစ်လောက်အချိန်ပေးပြီးဖတ်ကြည့်ပါလား ခင်ဗျာ အကျိုးကျေးဇူးလေးတစ်ခုခုတော့ရသွားမှာပါ တစ်ခါတုန်းက အဖိုးအိုတစ်ဦး ဟာ ရွာမှာ တစ်ယောက်တည်းအထီးကျန်ဆန်စွာနေရတယ် ။ တစ်နေ့တော့အဖိုးအိုက သူ့ သားနဲ့ သူ့ချွေးမ သူ့မြေးလေးတွေရှိတဲ့နေရာမှာ သွားနေမယ်ဆိုတဲ့ မျှော်လင့်ချက်နဲ့ ရွာကနေထွက်လာခဲ့တယ် ..။ ဒီလိုနဲ့ ခရီးရှည်ကြီးကိုဖြတ်သန်းပြီးတော့ သူ့သား ချွေးမနဲ့ မြေးကလေးတို့နေတဲ့အိမ်ကိုရောက်လာပါတယ် ။ စစရောက်ခြင်းမှာ သားဖြစ်သူတို့မိသားစုက ၀မ်းပမ်းတသာကြိုဆိုကြတယ် ။ အိမ်ဦးခန်းမှာ နေရာပေးကြတယ် ။ ဒီလိုနဲ့ အဖိုးအိုဟာ သူ့သားမိသားစုနဲ့အတူ နေထိုင်ရင်း တစ်ပတ်တိတိ အချိန်ကိုရောက်လာခဲ့တယ် ။ နေ့တိုင်းနေ့တိုင်းမှာ မိသားစုထမင်းဝိုင်းမှာ အားလုံးအတူဝိုင်းစားကြတယ်။ အဖိုးအိုရဲ့မျက်လုံးတွေဟာ မှုန်ရီနေပါပြီ ။ အဖိုးအိုရဲ့လက်တွေက အသက်အရွယ်ကြောင့် တုန်ယင်နေခဲ့တယ် ။ တခါတခါ ဇွန်းနဲ့ ခက်ရင်းတွေလွတ်ကျသလို ..တခါတခါမှာလည်း ပန်းကန်ထဲက ထမင်းတွေဟာ ဘေးနားကိုဖိတ်လို့ဖိတ်ကြမ်းပြင်ပေါ်ကျလို့ကျနဲ့ ပေပွနေခဲ့ရတယ် ။ တစ်ပတ်တိတိရှိလာတဲ့အခါ သားဖြစ်သူနဲ့ချွေးမတို့က မခံနိုင်တော့ပါဘူး ။ သူတို့တိုင်ပင်ကြတယ် ။ “ အဖေ့ရဲ့ ထမင်းစားတဲ့အခါ ဟိုဖိတ်ဒီဖိတ်ဒါဏ်ကိုမခံနိုင်တော့ဘူး အဖေက ထမင်းစားရင်လည်းအသံမြည်တယ် ညစ်ပတ်နေတာပဲ ကြမ်းပြင်ပေါ်မှာလဲ ပေပွနေရော ငါတို့တစ်ခုခုလုပ်ရအောင် ” လို့ မိန်းမဖြစ်သူကိုတိုင်ပင်တယ် ။ ဒီလိုနဲ့ သူတို့ဟာ အဖိုးအိုကို ထမင်းတစ်ဝိုင်းတည်းအတူစားခွင့်မပေးတော့ပဲ အခန်းထောင့်လေးမှာ စားပွဲခုံသေးသေးလေးနဲ့ ကျွေးပါတော့တယ် ။ အဖိုးအိုဟာ ကြွေပန်းကန်နဲ့စားတဲ့အခါ မှာလည်း ခဏခဏ ပန်းကန်တွေကျကွဲတဲ့အတွက် သားဖြစ်သူက သစ်သားခွက်ကလေးလုပ်ပြီး အဖိုးအိုကိုကျွေးတယ် ။ အဲဒီအချိန်ကစလို့ အဖိုးအိုဟာ တိတ်ဆိတ်စွာပဲ အခန်းထောင့်လေးက ထမင်းစားပွဲလေးမှာ စားရပါတယ် ။ တခါတခါ သားဖြစ်သူနဲ့ချွေးမဖြစ်သူရဲ့ ဒေါသတကြီးဆူပူကြိမ်းမောင်းသံတွေကိုလည်းခံရသေးတယ် ။ ဒီလိုနဲ့တစ်နေ့တော့ သူတို့သားကလေးဖြစ်သူဟာ အိမ်ရှေ့မှာ ငြိမ်ငြိမ်ကလေးထိုင်ပြီး တစ်ခုခုကို စိတ်ဝင်တစားလုပ်နေတာတွေ့လိုက်ရတယ် ။ ဒီတော့ သားဖြစ်သူဆီသွားပြီး မိဘတွေကချိုသာတဲ့စကားနဲ့မေးလိုက်တယ် ။ “ သား ဘာလုပ်နေတာလဲ ဟင် ” သားဖြစ်သူက သူ့ဖခင်နဲ့မိခင်ကို ပြုံးပြီးကြည့်လိုက်တယ် ပြီးတော့ ပြောလိုက်တယ် ..။ “ သားလည်း အဖေ့တို့အမေတို့လိုပဲ အဖေအမေတို့ကြီးလာရင်ကျွေးဖို့ သစ်သားခွက်ကလေးလုပ်နေတာပါ ” အဲဒီလိုပြောပြီး သားဖြစ်သူက သူ့အလုပ်သူဆက်လုပ်နေခဲ့တယ် ။မိဘတွေဟာ သားဖြစ်သူစကားကိုကြားပြီးအလွန်ပဲထိတ်လန့်တုန်လှုပ်သွားခဲ့ရတယ် ။ သူတို့ ဘာစကားတစ်ခွန်းမှ မပြောနိုင်ဘူး တုန်လှုပ်ခြောက်ခြားသွားပြီး ပါးပြင်ပေါ်ကနေ မျက်ရည်တွေ စီးကျလာခဲ့ရတယ် ။ သူတို့အမှားကို သူတို့ ထင်းကနဲ မြင်သွားခဲ့ရတယ် ။ အိမ်ထဲကိုလှမ်းကြည့်လိုက်တော့အဖိုးအိုက တိတ်ဆိတ်စွာ သူတို့ကို ငေးနေတာတွေ့လိုက်ရပါတော့တယ် ။ သင်လည်းတစ်နေ့ အဖိုးအိုဖြစ်လာမှာပါပဲ ။ မိဘတွေကို ချစ်ခင်ကြင်နာယုယပြီးကိုယ့်မျိုးဆက်တွေအတွက် မေတ္တာတရားကိုပြသပါ ။ ကလေးတွေဟာ သင်တို့အပြုအမှုတွေကို မြင်တယ် .. ကြားတယ် ..လိုက်မှတ်သားတယ် ..။ သင်တို့ပြုသမျှဟာ သင်တို့ထံပြန်လာပါလိမ့်မယ် ။ တစ်နေ့နေ့မှာ ကိုယ်ဟာ သားတစ်ယောက် ပြီးတော့ဖခင်တစ်ယောက်ပြီးတော့အဖိုးအိုတစ်ယောက်ဖြစ်လာဦးမှာပါပဲ ။ မသေခင်လေး ကျွေးရတဲ့ မိဘအတွက် ထမင်းဟာ သူတို့မြိုချလိုက်တိုင်း မနင် ..ပါစေနဲ့ ။ လျောလျောရှူရှုဝင်ပါစေ ..။ “ မိဘကျေးဇူးဆပ်နိုင်ကြပါစေ ” ( သက်တန့်ချို ဘာသာပြန်ရေးဖွဲ့သည် )

၂၂၉ နှစ်ပြည့် လေးဝတီတမ်းခြင်း (အယ်ဒီတာ့အာဘော်)

ရေးသားသူ: နတ်ဆိုးလေး

ဒေနိန့် ခရစ်နှစ် ၂၀၁၃-ခုနှစ်၊ ဒီဇင်ဘာလ ၃၁ ရက်၊ ရခိုင်သက္ကရာဇ် နတ်တော် လကွယ် ၁၄ ရက်နိန့်၊ ရခိုင်ဘုရင့်နိုင်ငံတော်ကျဆုံးရေ နိန့်တစ်နိန့်ဖြစ်တေ။ ဒေနိန့်ကို ရခိုင်သမိုင်းမှာ လုံးဝ မိန့်ဖျောက်လို့မရရေ သမိုင်းဝင်နိန့် တစ်နိန့်ဖြစ်တေ။ တစ်နည်းအားဖြင့်ဆိုကေ ရခိုင်လူမျိုးနန့် ရခိုင်ပြည်တစ်ခုလုံးသူ့ကျွန်ဘ၀ကိုကျရောက်ရေနိန့်တစ်နိန့်ဖြစ်တေ။ နှစ် အားဖြင့်ဆိုကေ ၂၂၉ နှစ်ပြည့်လားဗျယ်ဖြစ်တေ။

အတိတ်ကိုပြန်ကြည့်ရဖို့ဆိုကေ ဥသြရီသောက်ဆိုရေပိုင် ခရစ်သက္ကရာဇ် ၁၇၈၄၊ ရခိုင်သက္ကရာဇ် ၁၁၄၆ ခုနှစ် ဒီဇင်ဘာ ၃၁ ရက်၊ Arakan National Black Day ဆိုရေ ရခိုင်တိအတွက် ပြိုင်ညောင်ပင်ကြီး ပြိုလဲရေပိုင် ဘုရင် မဟိရေ တိုင်းပြည်၊ သူတစ်ပါးလက်အောက်ခံ ကျွန်အဖြစ်သို့ သွတ်သွင်း ခံရရေ နိန့်တစ်နိန့်ဖြစ်တေ။ ဒေနိန့်မှာကား မျောက်ကားအထက်၊ ဘုရား ကားအောက်၊ ဗြောက်သောက်ဗြောင်းပြန်၊ ခခွက်လန်အောင်၊ ဆူညံသောင်းသောင်း၊ မြင်မကောင်းကြားမသာ၊ သမိုင်းမာဥဒါန်းထိုး၊ အငြိုး မကျီနိုင်ရေ အဖြစ်ဆိုးကြီးတိ ဆက်တိုက်ဖြစ်ဖို့ အစပျိုးပီးလိုက်တေ အတွက် ဒေနိန့်မိမိရို့၏ဘ၀ရေကျိန်စာသင့်ခံနိန်ကတ်ရတုန်း ဖြစ်တေ။ ဒေဂ နိန့်ကို ရောက်တိုင်း ဒေပိုင်ပြန်ပေါ်လာရေ ခံပြင်းစိတ်တိကို စုစည်းလို့ ရှိမှာ ဇာလုပ်ကတ်ဖို့လဲဆိုစော်ကို ဒေဂနိန့် အခမ်းအနားကျင်းပရေ အဖွဲ့အစည်း တိုင်း၊ ရခိုင်သွီးချင်းတိုင်း အဖြေထုတ်ကတ်ဖို့နိန့်တစ်နိန့်ဖြစ်တေ။

ဒေဂနိန့် ရခိုင့်တော်လှန်ရေး၊ ရခိုင့်နိုင်ငံရေးမှာ မဟိမဖြစ်လိုအပ်စော်တစ်ခု ဟိလာကေလက်တွိ့လုပ်ကတ်စော်တိဖြစ်တေဆိုစော်ကိုအထူး ပြော စရာတောင် မလိုရေ လက်တွိ့သာဓကပါ။ လက်တွိ့ ထမလုပ်ဘဲ ဒေပိုင် နီကြတ်နိန်သရွိ့ကတော့ ဒေအတိုင်းချည်းယာဆက်တိုက်ဖြစ်နိန်ဖို့ သေချာရေဆိုစော်ကို အထူး ပြောစရာမလိုပါ။ ယင်းအတွက်ကြောင့် ဖြစ်ခရေအထဲက သင်ခန်းစာကိုယူ၊ ဖြစ်နိန်ရေ ပကတိအခြေအနေကို အတိအကျလေ့လာ၊ သိအောင်လုပ်၊ ဖြစ်နိုင်ခြေ အခွင့်အလမ်ဆိုစော်ကို လက်လွတ်မပီးဘဲ လက်တွိ့ကျကျ ဖမ်းဆုပ်မိအောင် လုပ်ရဖို့ဆိုစော်ရေ ဒေကနိန့် ရခိုင်သားတိုင်း အမျိုးသားရေးတာဝန်တစ်ခုအနိန်နန့် မှတ်ယူသင့်ပါရေ။

အပြင်ကို ကြည့်လိုက်ကေ ရခိုင်ပြည်လွတ်မြောက်ရေးပါတီ ALP ၊ ရက္ခိုင်တပ်မတော် AA ၊ လက်နက်ကိုင် တော်လှန်ရေးပါတီ၊ တပ်မတော် ဆိုရေ တော်လှန်ရေးအဖွဲ့အစည်းတိရေ ရခိုင်အမျိုးသားရေးလိုအပ်ချက်အရ ညီညွှတ်မှုတစ်ခု တည်ဆောက်ဖို့ အချိန်လွန်နိန်ဗျယ် ဖြစ်တေ။ လူကြီးကို အားမရလို့ လူငယ်တိကလုပ်။ လူငယ်တိက လူကြီးတိကို သင်ခန်းစာယူ။ လူကြီးလူငယ် သဟဇာတကျအောင် တည်ဆောက်ကတ်ဖို့ဆိုကေ ရခိုင်တော်လှန်ရေး အောင်ပွဲဆင်ဖို့ရက် နီးလာဗျယ်ဖြစ်တေ။ လက်နက်မဟိ လို့ လူအားမနာ၊ လူအားမနာလို့ မတိုးတက်နိုင်။ တိုင်းရင်းသား တော် လှန်ရေး လက်နက်ကိုင်ပါတီတိအကြားမှာ ရခိုင်လက်နက်ကိုင်ပါတီတိ အနိန်နန့် နိန်ရာတိုင်းမှာ မျက်နှာပွင့်နိုင်ဖို့အတွက် နည်းလမ်းသည်ကား ရခိုင်လက်နက်ကိုင်တော်လှန်ရေးပါတီ၊ တပ်မတော်တိကို ခိုင်မာ ကျစ်လစ်တေ၊ ရခိုင်အမျိုးသားလုံခြုံရေးနန့် အမျိုးသားအကျိုးစီးပွားကို ကာကွယ်နိုင်ရေ ရခိုင်အမျိုးသားတပ်မတော်တစ်ရပ်အဖြစ် လက်တွိ့ကျကျ ပုံဖေါ်ဖို့ အချိန်တန်နိန်ဗျယ်ဖြစ်တေ။

အထဲကိုကြည့်လိုက်ကေရခိုင်ပြည်သူလူထု၏တိုက်တွန်းချက်အရ၊ နိုင်ငံရေးလိုအပ်ချက်အရ ဒေကနိန့် ရခိုင်ဒီမိုကရေစီအဖွဲ့ချုပ် ALD နန့် ရခိုင်တိုင်းရင်း သားတိုးတက်ရေးပါတီ RNDP ရို့ရေ ရခိုင်ပြည် ပြည်တွင်းနိုင်ငံရေးကို ၂၀၁၅ အလွန်မှာ ပါဝင်ဆောင်ရွက်ဖို့ အဆင်သင့်ဖြစ်နိန်ဗျယ်လို့ ဆိုရဖို့ အနေ အထား မှာ မြင်တွိ့နိန်ရပါရေ။ အခြီအလက် အတောင်တိစုံဖို့အတွက် ပြည်သူ့ ကြားက ပြည်သူပါတီဖြစ်အောင် ကြိုးစားဆောင်ရွက်နိန်ရေ အနိန်အထား။ မာနတိခ၀ါချ၊ ပြည်သူတိထမင်းနပ်မှန်စားနိုင်ရေးအတွက် ရခိုင်ပြည်ကမဲ ရခိုင်တိအတွက်ဖြစ်စီဖို့ အသဲကြားက မဲတစ်ပြားအတွက် ရခိုင်ပြည် ရခိုင် လူမျိုးအကျိုးကို ဖန်တီးဖို့ အဆင်သင့်ဖြစ်နိန်ဗျယ်။

ရခိုင်ပြည် တော်လှန်ရေး၊ နိုင်ငံရေး၊ လုံခြုံရေး၊ စီးပွားရေး၊ ပညာရေး၊ ကျန်းမာရေး စရေ ကဏ္ဍအသီးသီးရေ အားလုံးကို တစ်ခုနန့်တစ်ခု မှီခိုနိန်ကတ်တေ။ တော်လှန်ရေးကို နိုင်ငံရေးကမှီခို၊ နိုင်ငံရေးကို စီးပွားရေး မှီခို ဆိုရေပိုင် ဒေကနိန့် ရခိုင်ပြည်အတွက် အဓိက လက်တွိ့ကျကျ အရေးကြီးနိန်စော်က ကိုယ့်ကံကြမ္မာကို ကိုယ်ပိုင်ပြဌာန်းခွင့်ဖြစ်တေ။ ကိုယ်ရို့ပိုင်နယ်မြေကို ကိုယ်ရို့စီမံခန့်ခွဲခွင့်၊ ကိုယ်ရို့ပိုင် ရီပေါ်ရီအောက်၊ မြီပေါ်မြီအောက် သယံဇာတကို ကိုယ်ရို့စီမံခန့်ခွဲခွင့်၊ ကိုယ်ရို့ပိုင်နယ်မြီကို ကိုယ်ရို့ကာကွယ်ပိုင်ခွင့်ဆိုရေ လက်ရှိ လက်တွိ့ကျကျ အခြေခံသဘော တရားတိက တော်လှန်ရေးအသိုင်းအ၀ိုင်း၊ နိုင်ငံရေးအသိုင်းအ၀ိုင်း၊ စီးပွားရေး အသိုင်းအ၀ိုင်း စရေ ရခိုင်ခေါင်းဆောင်တိအားလုံး သဘောပေါက် ပြီးသားလို့ ယုံကြည်ပါရေ။

ဒေဂနိန့် ရခိုင်ပြည်ရေ မြန်မာနိုင်ငံထဲမှာ ဒုတိယအဆင်းရဲဆုံးပြည်နယ် တစ်ခု ဖြစ်တေလို့ သိရပါရေ။ ယင်းပိုင် အဆင်းရဲဆုံးပြည်နယ်ဖြစ်တေ အတိုင်းရခိုင်ပြည်သူတိရေဘဏ်ပေါင်းစုံက ခေတ်မမီ၊ ခေတ်နောက်ကျပြီးကေချွတ်ခြုံကျနိန်ပါရေ။ ဒေနိန်ရာမှာရခိုင်ပြည်အပြင်ဖက်ကို ရောက်နိန်ရေလူတိ နည်းနည်း သဘောပေါက်ကတ်ဖို့ ထင်ပါရေ။ ဇာကြောင့်လဲဆိုကေ ရခိုင်ပြည်၊ ရခိုင်လူမျိုးရို့၏ စိတ်ထဲမှာ ဒေကနိန့် ၀မ်းရေးပြေလည်ဖို့အတွက် အာရုံရောက်နိန်ကတ်ပြီးကေ ကျန်ရေအကြောင်းအရာတိကို စိုင်းစားဖို့၊ လုပ်ဖို့အချိန်မပီးနိုင်ကတ်ဘဲမိမိရို့၏ဘ၀ရှင်သန်ရပ်တည်နိန်ထိုင်နိုင်ရေး အတွက် အရာရာကို ငဲ့ကွက်ဘနာ ၀မ်းစာရှာစားနိန်ကတ်ပါရေ။ နိန်ဇိုင်နန့် အမျှ လူ့အရင်းအမြစ်တိဆိုရေ ရခိုင်လူငယ်မောင်မယ်တိရေ တိုင်းတစ်ပါးကို ထွက်ဘနာ ဘ၀ဒုက္ခအခက်အခဲတိကြားက အသက်ကို ဖက်နန့်ထုပ်ဘနာ ရုန်းကန်ရှာဖွီ စားသောက်နိန်ကတ်ပါရေ။ ဒေအခက်အခဲတိကို ကူညီဖြေရှင်း ပီးနိုင်ဖို့ဆိုရေလူတိကို ကယ်တင်ရှင်ထင်ဘနာ ဘုရားတစ်ဆူဂူတစ်လုံးပိုင် ကိုးကွယ်ကတ်ရဖို့စော်ကို မြင်မိပါရေ။ ယင်းကြောင့် ဒေဂနိန့် လက်တွိ့ ဖြေရှင်းရဖို့ပြဿနာက ရခိုင့်စီးပွားရေးကို ဇာပိုင်နလံထူအောင်၊ နည်းလမ်း တိ ရှာဘနာ လုပ်ကိုင်ဆောင်ရွက်ရဖို့အချိန်ဖြစ်နိန်ပါရေ။ စီးပွားရေးကောင်းမှ တိုင်းပြည် နလံထူနိုင်ဖို့၊ နလံထူနိုင်မှ ရခိုင်သူ၊ ရခိုင်သားတိ လူလုံးလှဖို့။ ပညာရေး၊ ကျန်းမာရေး၊ စီးပွားရေး စရေ ယင်းပိုင် ဘက်ပေါင်းစုံမှာဟိရေ နယ်ပယ် အသီးသီးက ပညာတတ်၊ ပညာရှင် တိရေ ရခိုင်ပြည်ကို ကယ်တင် ဖို့၊ ရခိုင်ပြည် ပြန်လည်ထူထောင်ဖို့အတွက် တတ်နိုင်ရေဖက်က လုပ်ကတ်ဖို့၊ ကိုင်ကတ်ဖို့ အချိန်ရောက်နိန်ပါဗျယ်။ အတိတ်ကို ပြန်လို့ လွမ်းဆွတ်နိန်ဖို့ အစား၊ လက်ရှိအချိန်ကို အကျိုးဟိဟိ အသုံးချဘနာ၊ ရလာရေ အခွင့်အရေး ကို အမိအရဖမ်းဆုတ်ပြီးကေ လာဖို့ နှစ်သစ်မှာ ရခိုင်ပြည် ပြန်လည် နလံ ထနိုင်ဖို့အတွက်လူကြီး၊ လူငယ်၊ အရွယ်မလတ် မရွီး နိုးထကတ်ဖို့စော် ကို လေးဝတီသတင်းဌာနက ဒေဂနိန့် ၂၂၉ နှစ်ပြည့် ရခိုင့်အချုပ်အချာ အာဏာ ကျဆုံးရေ Arakan National Black Day နိန့်မှာ နှိုးဆော်တိုက်တွန်း လိုက်ယင်း နှစ်သစ်မှာ လူသစ်၊ စိတ်သစ်နန့် ရခိုင်သူ၊ ရခိုင်သားတိအားလုံး ကျန်းမာချမ်းသာစွာနန့်ဆန္ဒနန့်ဘ၀လက်တွိ့ကျနိုင်ကတ်ပါစီလို့ ဆုတောင်း မေတ္တာပို့သလိုက်ရပါရေ။

အယ်ဒီတာ
လွတ်လပ်သော လေးဝတီသတင်းဌာန

ဖတ်စရာ အချို့

ရေးသားသူ: နတ်ဆိုးလေး

ငါ့နာမည် ထိန်လင်း
ဟင်းချက်နည်း အမျိုးမျိုးကို မင်းတို့ အသည်းအသန်တွေးခေါ်နေချိန်မှာ
သူပုန်ထနည်း အမျိုးမျိုးကို အကြိတ်အနယ်ငါစဉ်းစားနေခဲ့တယ်။

နေမ၀င်အင်ပါယာကြီးက
ညည ငါ့အဖိုးဗိုလ်လရောင်ရဲ့ခေါင်းကိုဖြတ်ပြီး ငါ့ရှေ့မှောက် ဒရွှတ်ဆွဲခေါ်လာနေခဲ့တယ်။

အဖွားပြောပြတဲ့
ပုံပြင်တွေ ဇာတ်လမ်းတွေ သရဲတစ္ဆေ၀တ္ထုတွေထဲ ငါရလိုက်တာက
ဦးမင်းရောင်ဆိုတဲ့ အမှောင်မှာဘယ်တော့မှယောင်ကိုင်းမသွားနိုင်တော့မယ့်
ငါ့အတွက်အမြဲတမ်းသစ်နေမယ့် စစ်ပွဲတစ်ခုကိုဖွင့်ဖို့ခလုတ်တစ်ခုပဲ။

ရိုးသားမှုဆိုတာ
အသားမပါပဲ အရိုးချည်းသက်သက်ရာက်လာတတ်ပေမယ့်
ရိုးသားရတာ အရသာရှိတယ်လို့ ဘယ်သူကရိုးရိုးလေး ငါ့ခန္ဓာကိုယ်ထဲ ရိုက်သွင်းသွားပါလိမ့်
အစ်မ(အမေ့)ကို ငါအော်ပြောခဲ့တယ် ‘‘လိမ်ပြောတာ မကောင်းဘူးလို့’’။

ငါ့ကို စကားသိပ်မပြောဘူးတဲ့
တိုင်းချစ် ပြည်ချစ် မျိုးချစ်စိတ်တွေ ငါ့အတွင်းမှာတဒီးဒီး တ၀ီးဝီးစီးဆင်းနေတာကိုငါငေးမောနေမိလို့
ငါ့အပြင်မှာ တ၀ါးဝါးတဟားဟားဖြစ်နေတာတွေကို ငါမကြားလိုက်မိနေတာလား။

အဖိုးရေ
ကျွန်တော်ဟာ အဖိုးရဲ့ မြေးအနှစ် သွေးအစစ် သွေးအသစ်ပါဗျ။
မြစ်တွေဟာ မြင်းတွေလိုစိုင်းလာလည်း
ကျွန်တော် ရအောင်ကူးမယ် ညောင်းဦးဖီးဟာ ကျွန်တော့်ရဲ့ဇာတ်လိုက်ပဲ။

တွေ့ကြသေးတာပေါ့
ခင်ဗျား အိတ်ကပ်ထဲက ဖေါင်တိန်ကို ဗြုတ်ကနဲ ကျွန်တော်ဆွဲမဖြုတ်ခင်
ကျုပ်ပြဒါးရှင်လုံးထဲမှာ ခင်ဗျား မွှမွှကြေအောင် သွက်သွက်ခါလည်ပေရော့လို့
ငါ့ စိတ်ကူးကို ဆူးရော ချိုပါတပ်ထားပေးလိုက်တယ်။

မှတ်ထားဦး
အဖေ ရှင်ဘုရင်ဖြစ်လို့ သားရှင်ဘုရင်လိုက်ဖြစ်လာတာမဟုတ်ဘူး
ငါ့အစ်ကိုအောင်သန်းဖြစ်လို့ သူ့ညီငါ အောင်ဆန်းဖြစ်လာတာ။

ငါ့နာမည် ထိန်လင်း
စိန်တွင်းကြီးတွေလောက်တော့ သနားတယ်။ ။

ခရမ်းပြာထက်လူ

( ၂ ၀ ၁ ၃ )

facebook မှ ပြန်လည် ရှယ် ပါ တရ် ။

သတိရှိပါဇေ

ရေးသားသူ: နတ်ဆိုးလေး

ဒီနေ့မှစတင်ပြီး

လောဘ၊ဒေါသ၊မောဟ

အပေါင်းကို တတ်နိုင်သလောက်

ထိန်းချုပ်လျှက်

ဒီကမ္ဘာလောက

ရှိရှိသမျှ

သတ္တ၀ါအပေါင်း

ကျန်းမာချမ်းသာစွာနဲ့ 

ဘ၀ကိုစိတ်အေးချမ်းသာစွာ

ဖြတ်သန်းနိုင်ကြပါဇေ 

(နတ်ဆိုးလေး)

သတိပြုရတော့မည့် အိမ်နီးချင်း

ရေးသားသူ: နတ်ဆိုးလေး

ခေါင်းစဉ်ကို မြင်လိုက်သည်နှင့် မြန်မာနိုင်ငံ၏ ပြောင်းလဲမှုဖြစ်စဉ် များတွင် ရိုက်ခတ်မှုဖြစ်စေသော အိမ်နီးချင်းနိုင်ငံများ ဖြစ်သည့် ဘင်္ဂလားဒေ့ရ်ှနှင့် တရုတ်နိုင်ငံတို့ကို ပြေးမြင်ကြမည်ဟု ထင်မိပါသည်။ ရခိုင်ပြည်နယ်ရှိ ဘင်္ဂါလီ အရေးအခင်းများ၊ တရုတ်ဝမ်ပေါင်ကုမ္ပဏီနှင့် လက်ပံတောင်းဒေသခံ တို့ ၏ ပဋိပက္ခများက သတင်းစာမျက်နှာများ ထက်တွင် ပလူပျံနေချိန်၌ မြန်မာနိုင်ငံသည် သတိထားရမည့် အိမ်နီးချင်းတစ်ဦး ဖြစ်သော ထိုင်းနိုင်ငံကို မေ့လျော့နေနိုင်ပါသည်။ သို့တည်းမဟုတ် ထူးထူးခြားခြား သတင်းများကို မရိပ်စားမိသောကြောင့် သော်လည်းကောင်း၊ ထူးခြားမှုများက အချိန်ကြာမြင့်လာ သောအခါ ရိုးအီသွားပြီး သတင်း မဟုတ်တော့ဟု ယူဆ သောကြောင့်သော် လည်းကောင်း ဖြစ်နိုင်ပါသည်။ သို့သော် ထိုင်းနိုင်ငံသည် မြန်မာတို့ အမှန်တကယ် သတိပြုရတော့မည့် အိမ်နီးချင်းနိုင်ငံတစ်ခု ဖြစ်မှန်းမသိ ဖြစ်လာနေပါပြီ။

ထိုင်းသည် မြန်မာနှင့် အိမ်နီးချင်းဖြစ်ပြီး အခြေခံယဉ်ကျေးမှု အချို့ တူညီမှုရှိပါသည်။ အလောင်းမင်းတရား ဦးအောင်ဇေယျ လက်ထက် အယုဒ္ဓယကို ချီတက်သိမ်းပိုက်ရာမှ ယဉ်ကျေးမှုဓလေ့အချို့ ပြည်တွင်းသို့ ပျံ့နှံ့ခဲ့ပါသည်။ ဤသို့ ဖြင့် ယဉ်ကျေးမှုများ ဒွေးရောယှက်တင် ဖြစ်လာသည်။ မည်သည့် ယဉ်ကျေးမှုက မည်သည့်နိုင်ငံတွင် စတင်သည် ဆိုသောအချက်က သမိုင်းကြောင်း အထောက်အထား ခိုင်လုံမှသာ သက်သေပြနိုင် ပေတော့မည်။ ရှေး ယခင်က ယဉ်ကျေးမှု မူပိုင်ခွင့် ဟူသည် အရေးမကြီးဟု ထင်ရသော်လည်း ယခုအခါ အရေးကြီးလာပါပြီ။ အထူးသဖြင့် ထိုင်းနိုင်ငံနှင့် နယ်နိမိတ် နီးကပ်နေသည့် ကယားပြည်နယ်၊ ကရင်ပြည်နယ်နှင့် မွန်ပြည်နယ် တို့တွင် ပို၍ သိသာလာပါသည်။

ယခု ၂၀၁၃ ဒီဇင်ဘာ ၄ ရက်နေ့က မွန်ပြည်နယ် မုတ္တမမြို့တွင် မြေကျင်းတူးရာမှ ၁၃ ရာစုလက်ရာ မြေအိုးဟောင်းများ တူးဖော်ရရှိခဲ့ကြောင်း သတင်းများ တွေ့ရပါသည်။ သမိုင်းကြောင်းအရ တွံတေး၊ ပဲခူး၊ မုတ္တမမြို့ တို့သည် စဥ့်ထည်များဖြင့် အိုးမြို့တော်ဟု အရှေ့တောင် အာရှနိုင်ငံများတွင် ကျော်စောပြီး ဖြစ်ပါသည်။ မုတ္တမမြို့မှ မုတ္တမအိုးများသည် သီးခြား ကွဲထွက်နေသော ဟန်ပန်နှင့် ထင်ရှားပြီးဖြစ်သော်လည်း ထိုင်းနိုင်ငံ၏ ရှေးဟောင်းပစ္စည်းများ သဖွယ် ထင်မှတ်မှား ဖော်ပြခြင်း ခံနေရပါသည်။

တစ်ချိန်က ဆိုရှယ်လစ်ခေတ် မှသည် ယနေ့အထိ မြန်မာနိုင်ငံကို စီးပွားရေး ပိတ်ဆို့ ထားစဉ်က မြန်မာ့သယံဇာတ တော်တော်များများသည် ထိုင်းနိုင်ငံသို့ မှောင်ခိုလမ်းကြောင်းမှ တစ်ဆင့် ရောက်ရှိသွားခဲ့သည်။ တန်ဖိုးရှိသော်လည်း တန်ဖိုးမသိ သောကြောင့် သော်လည်းကောင်း၊ ဈေးပိုရ၍ သော်လည်းကောင်း မြေအောက်မှ ရသမျှ ရှေးဟောင်းပစ္စည်းများသည် ထိုင်းနိုင်ငံသို့ တရား မဝင် ရောက်ရှိရာမှ နိုင်ငံတကာ အမြင်တွင် ထိုင်းရိုးရာ ရှေးဟောင်းအမွေအနှစ် များဟု ထင်မှတ်မှားခဲ့ရခြင်း ဖြစ်ပါသည်။

စီးပွားရေး ပိတ်ဆို့ခံရပြီးနောက် မှောင်ခိုလမ်းကြောင်းမှ တစ်ဆင့် ကုန်သွယ်ရာမှ မြန်မာနိုင်ငံအတွက် သယံဇာတ ဆုံးရှုံးမှု သိသိသာသာ တွေ့ရသော်လည်း ယဉ်ကျေးမှုဆုံးရှုံးမှုက တရိပ်ရိပ်နှင့် ပို၍ ကြီးမားလာနေသည်ကို သတိပြုမိသူ နည်းနေပါသည်။ သယံဇာတ ဖြစ်သော ကျွန်းသစ်များ၊ ကျောက်မျက်များ အားလုံးသည် ထိုင်းနိုင်ငံမှ ထွက်ရှိသယောင်ဖြင့်သာ ကမ္ဘာ့ဈေးကွက်ကို ရောက်ရှိခဲ့သည်။ ပို့ကုန်ပစ္စည်း မှန်သမျှ ထိုင်းနိုင်ငံမှ ထွက်ရှိသယောင် Made in Thailand တံဆိပ်ကပ် ခဲ့ရသည့်အတွက် မြန်မာတို့ နစ်နာခဲ့ရပေါင်း များပြီ။ ဆယ်စုနှစ်များစွာ ကြာပြီးနောက် စီးပွားရေးပိတ်ဆို့မှုများ ဖြေချလိုက်ချိန်တွင် မြန်မာ့သယံဇာတက ကုန်သလောက် ရှိနေပြီး ထိုင်းနိုင်ငံအတွက်မူ အကျိုးအမြတ်များစွာ ကျန်နေခဲ့ပါသည်။

မြန်မာနိုင်ငံ၏ ယဉ်ကျေးမှု မူပိုင်ခွင့်ဆုံးရှုံးမှု ဖြစ်ရပ်များစွာ ရှိနေပါ သေးသည်။ ကယားပြည်နယ်မှ ကယန်း(သို့မဟုတ်) ပဒေါင်လူမျိုးများ သည်လည်း သာဓကတစ်ခု ဖြစ်ပါသည်။ ရေမြေဒေသ အရသော်လည်းကောင်း အကြောင်းကြောင်းကြောင့် သော်လည်းကောင်း မြန်မာတိုင်းရင်းသား လူမျိုးစုဝင် ကယန်းလူမျိုး များသည် ထိုင်းနယ်စပ်သို့ ရောက်ရှိ အခြေချနေထိုင် ခဲ့ကြသည်။ လည်ပင်း ကြေးကွင်းစွပ်သော ထူးဆန်းသည့် ဓလေ့ကို အကြောင်းပြု၍ ထိုင်းနိုင်ငံ၏ ခရီးသွားလုပ်ငန်းတွင် ပဒေါင်လူမျိုးများကို လေ့လာစရာ တစ်ခုအဖြစ် ထည့်သွင်းပြီး ၄င်းတို့ တိုင်းရင်းသားဖြစ်သယောင် ဖော်ပြမှု များလည်း ရှိနေပါသည်။ ဤသို့ဖြင့် ထိုင်းနိုင်ငံအတွက် ခရီးသွားလုပ်ငန်းမှ ဝင်ငွေတိုးသော်လည်း မြန်မာတိုင်းရင်းသား ကယန်းလူမျိုးတို့ မှာမူ အထူးအဆန်း သတ္တဝါသဖွယ် နှိမ်ချ ဆက်ဆံခံရမှုများလည်း ရှိနေသည်။ ဒုက္ခသည်အဖြစ် လျှောက်ထားသော်လည်း နိုင်ငံတွင်းမှ ထွက်ခွာခွင့်ကို မပေးသလို၊ မြန်မာအစိုးရက ပဒေါင်ဒုက္ခသည် များကို နိုင်ငံသို့ ပြန်လည်လွှဲပြောင်းရန် တောင်းဆိုသော်လည်း ဂရုမစိုက်ခြင်း မျိုးများနှင့် ကြုံတွေ့နေရသည်။ မိမိတိုင်းရင်းသား ဖြစ်ပါလျက်နှင့် သူများနိုင်ငံက ခေါင်းပုံဖြတ်ပြီး ရုံသွင်းပြ စားနေသော ဖြစ်ရပ်မျိုးမှာ နာကြည်းဖွယ် ကောင်းလှသည်။

ထို့အပြင် ဒီဇင်ဘာလ ၃ ရက်နေ့ က ဂျပန်နိုင်ငံသို့ Miss International ၂၀၁၃ တွင် မြန်မာနိုင်ငံ ကိုယ်စားပြု အဖြစ် ဂုဏ်ရည်အေးကျော် က မြန်မာ့ရိုးရာ ကိန္နရာဝတ်စုံဖြင့် ဝတ်ဆင် အလှပြခဲ့သည်ကို ထိုင်းလူမျိုးများ က ၄င်းတို့၏ ရိုးရာဝတ်စုံ ဖြစ်သည်ဟု ဝေဖန်ကြသည် ကိုလည်း သိမြင်ရပါ သည်။ စည်းပုံ၊ လက်ကျပ် တန်ဆာများနှင့် မြန်မာ့ရိုးရာ ဝတ်စုံဖြစ်သော်လည်း ထိုင်းရိုးရာ ဟုသာ နိုင်ငံတကာက ရှုမြင်နေကြပြီး မြန်မာဝတ်စုံဟု လက်မခံနိုင်ဘဲ ရှိနေကြ သည်ကိုလည်း သိရပါသည်။ ဤသို့ဖြင့် မြန်မာ့ရိုးရာ ယဉ်ကျေးမှု အချို့ကို ထိုင်းယဉ်ကျေးမှု အဖြစ် နိုင်ငံတကာက ထင်မှတ်မှားမှုများ များပြား လာသည်မှာ သိသိသာသာ မြင်တွေ့လာရပါသည်။

မူပိုင်ခွင့် ရရှိခြင်းသည် နိုင်ငံ၏ ယဉ်ကျေးမှုတွင်သာမက အဘက်ဘက်တွင် အရေးကြီးပါသည်။ အားကစားဘက်တွင် မြန်မာ့ရိုးရာ လက်ဝှေ့နှင့် ထိုင်းရိုးရာ မွေထိုင်းဟုခေါ်သော လက်ဝှေ့ကစားနည်းတို့ ကွာခြားမှု သိသာစွာ မရှိသော်လည်း နိုင်ငံတကာကို ကျယ်ပြန့်အောင် လုပ်နိုင်မှုခြင်း မတူညီသည်ကို သတိပြုသင့်ပါသည်။ ထိုင်းတို့က ကျယ်ပြန့်စွာ ပြုလုပ်နိုင်ပြီး နိုင်ငံတကာ အားကစားကို ထိုးဖောက်နိုင်ခဲ့သည့် အတွက် ခရီးသွားလုပ်ငန်း ကို မြှင့်တင်ခဲ့ပြီး နိုင်ငံဝင်ငွေ တိုးတက်စေနိုင် ခဲ့ပါသည်။ မြန်မာ့ရိုးရာ လက်ဝှေ့ကို မွေထိုင်းဟု ထင်မှတ်မှားနေခြင်း ကြောင့် မြန်မာ့ရိုးရာ အားကစားတစ်ခု နိုင်ငံတကာအမြင်တွင် တိမ်မြှုပ်သွားစေနိုင် ပါသည်။

များမကြာမီ ၂၀၁၅ သို့ရောက်တော့မည်။ ၂၀၁၅ သည် ရွေးကောက်ပွဲ ကြီးကြောင့် နိုင်ငံ့ခေါင်းဆောင်များ၊ ပြည်သူများ ရင်ခုန်ရမည့် ခုနှစ်တစ်ခု ဖြစ်ပါသည်။ သို့သော် ၂၀၁၅ ဒီဇင်ဘာ ၃၁ တွင် စတင် အသက်ဝင်မည့် AFTA ဟုခေါ်သော အာဆီယံ လွတ်လပ်စွာ ကုန်သွယ်မှုစာချုပ်ကို မေ့လျော့ နေကြသည်။ မိမိဒေသထွက် ပို့ကုန်များကို လွတ်လပ်စွာ တင်ပို့ခွင့်က အလွန်ကြီးမားသော စီးပွားရေး အခွင့်အလမ်းတစ်ခု ဖြစ်ပါသည်။ သို့သော် မြန်မာပြည်သူတို့ မျက်စိပွင့် နားဖွင့်ရန် လိုပါသည်။

မိမိနိုင်ငံပိုင် မျိုးရင်း သဘာဝထွက်ကုန် များကို မူပိုင်ခွင့် မှတ်ပုံတင်နိုင်ရန် အရေးကြီးပါသည်။ စိန်တလုံး သရက်မျိုးရင်း၊ ရွှေဘိုပေါ်ဆန်း မျိုးရင်း၊ သနပ်ခါး၊ ရှားပါး သစ်ခွ မျိုးစိတ်အချို့ စသော ဒေသတွင်း မျိုးရင်းများသည် အခြားနိုင်ငံတွင် မရှိသော မိမိနိုင်ငံပိုင် မျိုးရင်းများ ဖြစ်ပါသည်။ မိမိနိုင်ငံပိုင် မျိုးရင်းဖြစ်ပါလျက်နှင့် အိမ်နီးချင်းနိုင်ငံက ပိုင်ဆိုင်သယောင် မှတ်ပုံတင် မူပိုင်ခွင့် လျှောက်ထားခဲ့ပါလျှင် မြန်မာတို့ ဆုံးရှုံးနစ်နာစရာ အများကြီး ဖြစ်လာနိုင်ပါသည်။ ပညာရှင်များ အနေနှင့်လည်း ဤအကြောင်းအရာ များကို ကျယ်ကျယ်ပြန့်ပြန့် ဆွေးနွေးသင့်သည်ဟု ထင်ပါသည်။ ကြိုတင် ပြင်ဆင်သင့်သည် များလည်း ပြင်ဆင်ရန် အချိန်တန်ပါပြီ။ လက်နှေးနေပါက မိမိနိုင်ငံ၏ မူပိုင်ခွင့်များ ဆက်လက် ဆုံးရှုံးနေရပါလိမ့်မည်။

ယဉ်ကျေးမှု၊ အားကစား၊ စီးပွားရေး အဘက်ဘက်တွင် မြန်မာနိုင်ငံ မူပိုင်ခွင့်များ ဆုံးရှုံးနေပြီး ထိုင်းနိုင်ငံပိုင် အဖြစ် ပုံမှားရိုက် ခံနေရခြင်းက ရေရှည်တွင် ကြီးမားသော ထိုးနှက်မှု ဖြစ်လာနိုင်ပေသည်။ ဤသို့ဖြင့် အိမ်နီးချင်း ထိုင်းနိုင်ငံသည် သေချာ စောင့်ကြည့်ရမည့် နိုင်ငံတစ်ခု ဖြစ်လာသည်မှာ ငြင်းမရသော အချက်ပင် ဖြစ်ပါတော့သည်။

The Voice Weekly